✅ تطبيقات مغربية خارقة ماكايعرفها حتى حد!
🌟 تطبيق مغربي خارق: Chari
📷
Chari تطبيق مغربي موجه لتاجر القرب والمحلات الصغيرة.
كيمكنك تطلب منتجات بالجملة وتوصيل مجاني فـ أقل من 24 ساعة داخل بزاف المدن المغربية.
فيه تسهيلات ديال الأداء، عروض خاصة، وواجهة بسيطة كتبرد القلب.
🌟 تطبيق التعليم: TelmidTICE
📷
TelmidTICE منصة مغربية من وزارة التعليم.
فيها آلاف الفيديوهات والدروس لكل المستويات من الابتدائي حتى الباك.
كتخدم حتى بلا أنترنت إلى حملتي الدروس قبل، ومفيدة بزاف فالتحضير للامتحانات.
🌟 تطبيق تعلم اللغات: Duolingo
📷
تطبيق رائع لتعلم اللغات بطريقة ممتعة وعصرية.
كيعتمد على التحديات اليومية، تمارين، وحتى ذكاء اصطناعي باش يقيم مستواك.
والمميز؟ فيه محتوى اختارات جد شيقة !
🌟 خدمات المدينة: VisitMorocco
📷
هو التطبيق الرسمي ديال السياحة فالمغرب، كيعطيك الإمكانية باش:
تكتاشف الوجهات اللي عندنا، تحمّل الكاتالوجات ديال السفر، تلقى جميع المعلومات اللي كتحتاج باش تنظم رحلتك، وتدخل لمعرض عامر بالفيديوهات والصور.
وزيد على هاد الشي، نقدرو نكونو قراب ليك أكثر، حيث كنسمعو لأسئلتك ونحاولو نجاوبوك حسب شنو كتسنى منا.
🌟 تطبيق البرمجة للأطفال والشباب: ScratchJr
📷
هي واحد اللغة ديال البرمجة التمهيدية، كتخلي الدراري الصغار من 5 سنين وفوق يقدرو يصايبو القصص التفاعلية ديالهم والألعاب الخاصة بيهم.
اللي زوين فيها هو أن الأطفال كيتعلمو البرمجة بلا ما يحسو، حيت كيتعاملو مع كتل برمجية مصوّرة، كيسهلو عليهم يحركو الشخصيات، يخليوهم ينقزو، يرقصو، وحتى يغنيو! 🎵🕺
يقدرو حتى يبدلو فالشخصيات فـ محرر الرسم، يزيدو الصوت ديالهم، ولا حتى يصورو راسهم ويدخلو الصورة فالقصة.
ومن بعد كيبداو يستعملو الكتل باش يحيو الشخصيات ديالهم ويخليوهم يديرو اللي بغاو 🚀🎮
🌟 توصيل بين المدن: Jibli
📷
تطبيق كيربط بين الناس اللي باغيين يرسلوا شي حاجة، وناس مسافرين فداك الاتجاه.
مثلاً بغيتي شي حاجة من فاس لسطات، كتلقى شي حد غادي وجايبها ليك بثمن مناسب وأسرع من البريد.
💬 الخاتمة:
المغرب ماشي غير مستهلك، راه كاين شباب مبدع كيدير تطبيقات بحال هادشي وممكن تهز الاقتصاد وتفيد الناس بزاف.
جرب شي تطبيق من صنع مغربي %100، وبارطاجيه مع صحابك، باش الدعم يكون من عندنا قبل ما يجي من برا.
⏳ متنساش تكولينا شنو التطبيق لي جاك زوين وعملي شاركنا اهتمامك في التعاليق 💥
ملاحظــة :
- ملاحظاتك مهمة بالنسبة لنا.
- لا تنشر تعليقات غير مرغوب فيها ، ستتم إزالتها فور المراجعة.
- تجنب تضمين عناوين URL الخاصة بموقع الويب في تعليقاتك.